"Dövlət Gömrük Komitəsi (DGK) növbəti illərdə Risklərin İdarə Olunması Sistemini genişləndirmək niyyətindədir. Bu həm dövlət, həm də özəl sektor üçün əhəmiyyətlidir".

"dogruxeber.tv" xəbər verir ki, bunu İTV-yə açıqlamasında Dövlət Gömrük Komitin (DGK) sədrinin I müavini, sədr vəzifəsini müvəqqəti icra edən Şahin Bağırov deyib.

Onun sözlərinə görə, növbəti illərdə, xüsusən 2023-cü ildə görüləcək işlər çoxdur.

"İlk növbədə biz rəqəmsal gömrük mühitini genişləndirmək istəyirik. Onun tətbiq dairəsini daha da genişləndirərək optimal prosedurları icra etməliyik. Bu baxımdan, o sahədə biz iş aparırıq. Gömrük xidmətinin daxilində Risklərin İdarə Olunması Sistemi mövcuddur. Sadəcə bu sistemi inkişaf etdirməliyik, bu sahədə qəti tədbirlərimiz var və bunu həyata keçirəcəyik. Risklərin idarə edilməsi sistemi vasitəsi ilə biz ümumiyyətlə ticarətin dəstəklənməsinə nail olacağıq, eləcə də hər-hansı riskli halları müəyyən edərək ona qarşı mübarizə tədbirləri həyata keçirəcəyik. Güman edirəm ki, bu layihənin inkişaf etdirilməsi məsələsi önəmli olacaq. Bunun nəticəsini dövlət qurumu olaraq bizimlə yanaşı sahibkarlıq, biznes subyektləri görəcək və dövlətimiz faydalanacaq”.