iPhone 15 Pro daha incə çərçivələrə malik yenilənmiş ekran dizaynına sahib olacaq. Bundan əlavə, ekran əvvəlkilərdən daha yüksək parlaqlığa malik olacaq.

"dogruxeber.tv" bildirir ki, bu barədə "9to5mac" portalı ShrimpApplePro insayderinə istinadən xəbər verir.

Mənbənin məlumatına görə, iPhone 15 seriyalı smartfonlar hazırkı iPhone 14 ilə eyni ekran ölçüsünə malik olacaq: 6,1 və 6,7 düym. Bu arada, iPhone 15 Pro displeyi daha incə çərçivələrə, ehtimal ki, Apple Watch kimi əyri kənarlara sahib olacaq.

Digər mənbələr əyri ekran haqqında məlumatı hələ təsdiqləməyib. Digər insayderlərə görə, iPhone 15 Pro titan çərçivəsi sayəsində çox yaraşıqlı olacaq. Bununla belə, bir sıra mənbələr iPhone 15 və 15 Plus-ın yenilənmiş Dynamic Island alacağı ilə bağlı daha əvvəl yayılan şayiələri artıq təsdiqləyiblər.


Bundan əvvəl eyni insayder Shrimpapplepro öz Twitter səhifəsində iPhone 15-in əsas modellərinin yeni kamera alacağını bildirmişdi . Gsmarena.com o zaman yazmışdı ki, çox güman ki, əsas iPhone 15-in hazırda iPhone 14 Pro modelində istifadə olunan 48 meqapiksellik kamerası olacaq.

Həmçinin daha əvvəl bildirilmişdi ki, iPhone 15 və 15 Plus müvafiq olaraq 6,1 və 6,7 düymlük ekranlar, həmçinin USB Type-C konnektoru alacaq.

Pro modellərinə gəlincə, bu, 6,1 düymlük iPhone 15 Pro və daha böyük iPhone 15 Pro Max və ya hətta iPhone 15 Ultra ola bilər. Həmçinin bildirildi ki, iPhone 15 Lightning konnektoru əvəzinə USB-C istifadə edən ilk Apple smartfonu olacaq, lakin cihazı doldurmaq üçün şirkət tərəfindən təsdiq edilmiş kabel tələb olunacaq.

Display Supply Chain Consultants və DisplaySearch tədqiqat firmalarının təsisçisi və analitiki Ross Young-a görə, iPhone 15 seriyasındakı bütün modellər təxminən eyni olacaq və yeni seriyaya çox güman ki, dörd model daxil olacaq: iPhone 15, iPhone 15 Plus, iPhone 15. Pro və iPhone 15 Ultra.

dogruxeber.tv
Ulduz Talıblı