Polşanın ən böyük neft emalı zavodu Orlen respublikaya neft tədarükünü dayandırdığına görə Rusiya tərəfdən təzminat tələb etmək niyyətindədir.

"dogruxeber.tv" "Ntv.ru"ya istinadən bildirir ki, bu barədə bazar ertəsi şirkətin rəhbəri Daniel Obaitek radioda bildirib.

"Ruslar Polşaya neft nəqlini dayandırıblar, ona görə də biz hüquqi prosedura əl atacağıq və dəymiş ziyana görə kompensasiya tələb edəcəyik", - Obaitek Reuters- ə istinadən xəbər verir . Orlen rəhbəri onu da bildirib ki, Varşava qaz tədarükünün kəsilməsi ilə bağlı Moskvaya oxşar iddialarla çıxış etmək niyyətindədir.

Orlenin Rusiyanın Tatneft ilə 2024-cü ilin dekabr ayına qədər qüvvədə olan neft tədarükü müqaviləsi var. Onun sözlərinə görə, Polşa konserni ayda 200 min ton xammal alıb. Orlen Rusiya neftini boru kəmərləri ilə alırdı. Varşava Ukraynada xüsusi hərbi əməliyyat başlayandan sonra Rusiyadan dəniz yolu ilə neft almaqdan imtina edib.

Fevralın sonunda Rusiya Drujba kəmərinin şimal qolundan Polşa və Almaniyaya neft nəqlini dayandırıb. Yanacaq yalnız cənub qolundan Slovakiya və Macarıstana vurulur. “Transneft”də izah edildiyi kimi, müqaviləyə əsasən, “Tatneft” fevralın son ongünlüyündə Polşanın neftayırma zavodlarına 220 ton neft vurmalı idi, lakin ödəniş alınmadı.

“Tatneft”in Polşaya tədarükünün dayandırılması PKN Orlenin Rusiyanın başqa bir şirkəti “Rosneft”lə ildə 3,6 milyon ton neftlə bağlı müqaviləsinin başa çatması ilə eyni vaxta təsadüf edib.

PKN Orlen bəyan edib ki, şirkət tələb olunan xammalın yalnız 10%-ni Rusiyadan alıb və onu ABŞ, Fars körfəzi və Şimal dənizindən neftlə əvəz etməyi planlaşdırır.

Qaza gəlincə, Qazprom ilə PGNiG (Orlenin bir hissəsi) müqaviləsi 2022-ci ilin sonuna qədər qüvvədə idi, lakin aprel ayında rublla yeni sxem üzrə ödəniş edilmədiyi üçün tədarüklər dayandırılıb.

dogruxeber.tv
Samirə Əsgərova