Yaponiya ABŞ-a mərmi ötürmək imkanını nəzərdən keçirir, daha sonra Ukraynaya gedəcək və əks-hücum zamanı istifadə olunacaq. Bu barədə “The Wall Street Journal” mənbələrə istinadən məlumat yayıb.

Nəşrə bildirilib ki, Tokio 2016-cı ildə imzalanmış ikitərəfli saziş çərçivəsində Vaşinqtona 155 mm-lik mərmi göndərməyi gözləyir.

"dogruxeber.tv" WSJ-a istinadən yazır ki, ABŞ Ukraynaya öz arsenallarından əhəmiyyətli miqdarda silah göndərdikdən sonra Vaşinqton Kiyevə onun döyüş hazırlığına xələl gətirmədən kömək etmək üçün yeni yollar axtarır.

Pentaqonun sözçüsü bildirib ki, ABŞ və Yaponiya Ukraynaya dəstək üçün daha 50 dövlətlə əməkdaşlığı davam etdirir. ABŞ-ın Tokiodakı səfiri Rahm Emanuel bildirib ki, ABŞ hökuməti öz müttəfiqləri ilə danışıqlar aparır, çünki ABŞ-ın hərbi təchizatı son 18 ayda tükənib.

WSJ bildirir ki, sursat daşınması Yaponiyanın Ukrayna münaqişəsindəki rolu üçün dönüş nöqtəsi olacaq, çünki Tokio 2022-ci ilin fevral ayından etibarən Kiyevə dəbilqə və zireh kimi qeyri-öldürücü yardım edib.

Hazırda Yaponiya hərbi sistemləri və texnologiyaları yalnız birgə inkişaf etdirdiyi və istehsal etdiyi ölkələri təmin edə bilər. Əslində, söhbət yalnız ABŞ-dan gedir.

dogruxeber.tv
Gültəkin Talıbızı