ABŞ Konqresinin üzvü Respublikaçı Marjorie Taylor Green deyib ki, “müharibəni maliyyələşdirmək yox, sülh axtarmaq lazımdır”.

"dogruxeber.tv"ın rbc.ru-ya istinadən məlumatına görə, ABŞ-ın Corciya ştatından olan Nümayəndələr Palatasının üzvü Marjorie Taylor Green münaqişənin sülh yolu ilə həllinə qədər Ukraynaya hər cür maliyyənin ayrılmasını dayandırmağı təklif edib. Konqresmen oktyabrın 1-də ABŞ-da başlayacaq növbəti maliyyə ili üçün müdafiə büdcəsi layihəsinə müvafiq düzəliş edib.

Marjorie Taylor Green bildirib ki, - "Ölüm və dağıntı dayanmalıdır, buna görə də sülhə nail olmaq üçün mən hərbi münaqişənin diplomatik həllinə nail olunana qədər Ukraynaya bütün maliyyələşdirməni qadağan edən düzəliş təqdim etdim".

Qrinin sözlərinə görə, o, həmçinin ABŞ-ın F-16 qırıcı təyyarələrinin və daha uzun mənzilli raketlərin Ukraynaya tədarükünü qadağan edən düzəliş təqdim edib.

Bundan əvvəl CNN məlumat vermişdi ki, Vaşinqton tezliklə Kiyevə kaset sursatlarının verilməsi barədə qərar verməlidir, onlar iyulda ABŞ-ın yeni hərbi yardım paketinə daxil edilə bilər.

Bu yaxınlarda ABŞ Ukraynaya 500 milyon dollar məbləğində yeni hərbi yardım paketinin ayrıldığını elan edib. Buraya Patriot hava hücumundan müdafiə sistemləri üçün əlavə sursat, HIMARS MLRS, Stinger zenit raketləri, o cümlədən 30 Bradley piyada döyüş maşını, 25 Stryker zirehli personal daşıyıcısı, Javelin tank əleyhinə raketləri, aviasiya və artilleriya sursatları, həmçinin atıcı silahlar, termal görüntülər, gecəgörmə cihazlarının da daxil olacağı gözlənilir.

dogruxeber.tv
N.Məmərli