"dogruxeber.tv" arabnews.com-a istinadən xəbər verir ki, Körfəz Əməkdaşlıq Şurası və Mərkəzi Asiya liderləri Ciddədə keçirilən Körfəz-Mərkəzi Asiya sammitində iştirak etmək üçün ötən gün Ciddəyə gediblər.

Qətər əmiri Şeyx Təmim bin Həməd Al Tani, Birləşmiş Ərəb Əmirliklərinin vitse-prezidenti və baş naziri və Dubay hökmdarı Şeyx Məhəmməd bin Rəşid əl-Məktum, Küveytin vəliəhdi Şeyx Mişal əl-Əhməd əl-Cabir Əl-Sabah və Bəhreyn Kralının şəxsi nümayəndəsi Şeyx Nasir bin Həməd bin İsaal ötən gün Səudiyyə Ərəbistanına gəlib.

Tacikistan Prezidenti Emoməli Rəhmon, Özbəkistan Prezidenti Şavkat Mirziyoyev, Qırğızıstan Prezidenti Sadır Japarov, Qazaxıstan Prezidenti Kasım-Jomart Tokayev, Türkmənistan Prezidenti Serdar Berdiməhəmmədov və Oman Baş nazirinin müavini və Oman Sultanının şəxsi nümayəndəsi Əsəd bin Tariq bin Taymur əl-Səid çərşənbə axşamı Krallığa səfər ediblər.

Zirvədən əvvəl Körfəz ölkələrinin liderləri Ər-Riyadın ev sahibliyi etdiyi 43-cü Körfəz Əməkdaşlıq Təşkilatının sammitindən 8 ay sonra keçirilən 18-ci məşvərət toplantısında iştirak edəcəklər.

dogruxeber.tv
Asiman Əsədsoy