İran, İsrailin baş naziri Benyamin Netanyahuya tez sağalmasını arzuladıqdan sonra aktrisa Şöhrə Qamarı “cəmiyyətdə psixoloji etibarsızlıq yaymaq” ittihamı ilə həbs edib.

İslam İnqilabı Keşikçiləri Korpusuna bağlı Tasnim və Fars xəbər agentlikləri aktrisanın iğtişaşçıları dəstəkləyən, məmurları təhqir edən, İsrailin baş nazirinin tezliklə sağalmasını arzulayan, sionist varlığa dəstək verən və küçədə xaos salan məzmunlar dərc etdiyinə görə həbs edildiyini açıqlayıb.

"dogruxeber.tv" bildirir ki, Mehr Xəbər Agentliyi İranın kəşfiyyat naziri İsmayıl Xətibə istinadən bildirib ki, İran məhkəmə sistemi internetdə psixoloji təhlükəsizliklə bağlı bir neçə işi araşdırır.

İnternetə özünün nəzarət edib-etmədiyini soruşduqda, “Əgər etməsəm, nazir ola bilmərəm” cavabını verib.

Aktrisa 4 milyon izləyicisi olan İnstaqram səhifəsində hekayə yerləşdirdikdən və İsrailin baş nazirinə tez sağalmasını arzuladıqdan bir neçə gün sonra həbs edilib. O, şəklinə "Sağlamlığınız üçün çox dua etdim. Sağ qal" yazıb.

Ötən həftə Netanyahu ürək əməliyyatı keçirib. Xəstəxanadan çıxıb işinə davam edib.

Bir neçə həftə əvvəl aktrisa İsrailin kökünü kəsməklə hədələdikləri üçün məmurları tənqid edən başqa bir yazı dərc edib. O, onları əvvəlcə Kürdüstan və Bəlucistandakı ac insanları yedizdirməyə çağırıb.

İslahatçılara yaxın olan Dideban saytı aktrisanın son seçkilərdə İran prezidenti İbrahim Rəisinin xeyrinə təbliğat videosunda iştirak etdiyini açıqlayıb. Video Telegram-da yayılıb.

Jurnalist və siyasi analitik Əhməd Zeidabadi Telegram hesabında Qamarın həbsini tənqid edərək, sağalma arzularının əslində “İsrailin məhvi üçün dua” olduğunu bildirib.

Zeydabadi vurğulayıb ki, Netanyahu heç bir lider kimi İbrani dövlətini qeyri-sabitliyə və süquta yaxınlaşdırır və ölərsə, mötədil siyasətçi onu əvəz edəcək və İrana qarşı beynəlxalq koalisiya üzərində işləyəcək.

dogruxeber.tv
Jalə Asiman