Britaniyanın aparıcı universitetlərindən olan bir qrup tədqiqatçı klaviaturada düymələrin basılması səsinin təhlili vasitəsilə parolların oğurlanmasının yeni, potensial təhlükəli üsulunu müəyyən ediblər.

"dogruxeber.tv"ın Bleeping Computer-ə istinadən məlumatına görə, bu xəbər rəqəmsal əsrdə məlumat təhlükəsizliyinin vacibliyini bir daha vurğulayır .

Tədqiqatçılar klaviaturada hər bir düyməyə basılan səsləri 95% dəqiqliklə tanıya bilən neyron şəbəkə modeli hazırlayıblar. Bunun üçün mikrofondan istifadə edərək düymələrin səslərini qeydə alıblar. Bu üsul Apple MacBook Pro noutbukunda müxtəlif düymələrin yaratdığı unikal səsləri uğurla tanıya bildi.

Lakin, bu üsuldan Zoom videokonfrans xidməti şəraitində istifadə edərkən modelin dəqiqliyi bir qədər azalıb, 93%-ə qədər. Bununla belə, bu hələ o deməkdir ki, hakerlər istifadəçinin daxil etdiyi demək olar ki, istənilən parolu götürə bilər.

Bu hücumun özəlliyi ondan ibarətdir ki, mürəkkəb şərait və ya xüsusi avadanlıq tələb etmir. Noutbuklardan tutmuş smartfonlara qədər müasir qurğular artıq yüksək keyfiyyətli mikrofonlara malikdir və bu üsulu təcavüzkarlar üçün daha əlçatan edir.

Mütəxəssislər parollara bu cür “sonik” hücumlara qarşı əlavə müdafiə qatını təmin etmək üçün barmaq izinin skan edilməsi və ya digər biometrik mexanizmlər kimi əlavə autentifikasiya üsullarından istifadə etməyi məsləhət görürlər.

dogruxeber.tv
Nərgiz Elnurqızı