İran dövlət mediasının çərşənbə axşamı verdiyi məlumata görə, İran təkmilləşdirilmiş uçuş məsafəsi və müddəti, eləcə də daha böyük yük daşıma qabiliyyətinə malik Mohajer-10 adlı təkmil ev istehsalı pilotsuz uçan aparatı hazırlayıb.

"dogruxeber.tv" Routers-ə istinadən bildirir ki, pilotsuz təyyarə 2000 km uçuş məsafəsinə malikdir və 24 saata qədər uça bilir. Onun faydalı yükü 300 kq-a çata bilər ki, bu da "Mohajer-6" pilotsuz təyyarəsinin tutumunu iki dəfə artırır.

Bu gün İran mediası tərəfindən yayımlanan videoda pilotsuz uçan aparat digər hərbi texnika ilə yanaşı həm ivrit, həm də fars dillərində "sığınacaqlarınızı hazırlayın" yazısı ilə nümayiş etdirilib.

İranın hərbi sənayesi günündə yayımlanan videonun mətni əzəli düşmənlər olan İran və İsrail arasında qızışan gərginliyi əks etdirir. Baş nazir Benyamin Netanyahu ötən gün Tehranın israillilərə qarşı bir sıra ölümcül hücumları maliyyələşdirdiyini və təşviq etdiyini bildirib.

ABŞ rəsmiləri İranı Ukraynaya qarşı müharibədə Rusiyaya digər pilotsuz uçuş aparatları ilə yanaşı Mohajer-6 pilotsuz təyyarələri verməkdə ittiham edib. Tehran bunu inkar edir.

dogruxeber.tv
Kamal Əsgərov