Jurnalist Taker Karlson hesab edir ki, Bayden administrasiyası seçkiləri Trampa uduzmamaq üçün Rusiyaya müharibə elan etməyə hazırdır.

"dogruxeber.tv"ın Tass.ru-ya istinadən məlumatına görə, Amerikalı teleaparıcı Taker Karlson bildirib ki, ABŞ-ın hazırkı administrasiyası 2024-cü ildə keçmiş prezident Donald Trampa seçkidə məğlub olmamaq üçün ölkəni Rusiya ilə genişmiqyaslı müharibəyə sürükləyə bilər.

Taker Karlson, - “Onlar nə edəcəklər? Rusiya ilə müharibəyə başlayacaqlar, budur. Gələn il ABŞ və Rusiya arasında qaynar müharibə olacaq. Onsuz da bunu istəyirlər. Qələbə qazanacağımızı düşünmürəm”- deyə bildirib.

Karlson bu barədə radio aparıcısı Adam Karolla müsahibəsində bildirib. Belə bir inkişafın qarşısını almaq üçün Karlson amerikalıları Respublikaçılara səs verməyə çağırdı.

Donald Tramp Taker Karlsona verdiyi son müsahibəsində Ukraynadakı münaqişədən danışıb. O, prezident Baydeni Kiyevə sonsuz silah tədarükünə görə tənqid edib və onları ölkə üçün fəlakətli adlandırıb . ABŞ-ın eks-prezidenti də dəfələrlə bəyan edib ki, üçüncü dünya müharibəsinin qarşısını yalnız o ala bilər.

dogruxeber.tv
Ulduz Talıblı