Latın Amerikası ölkəsinin rəsmiləri, Meksikada yeni hava limanı üçün sıx tikinti sahəsində 8,000 ilə 12,000 il arasında olan qədim flaminqo yumurtası tapıldığını deyib.

"dogruxeber.tv" reuters.com-a istinadən bildirir ki, Pleistosen dövründən diqqətəlayiq şəkildə qorunmuş yumurta inanılmaz dərəcədə nadirdir. Meksikanın INAH irs institutunun avqustun 2-də verdiyi məlumata görə, bu, Amerika qitəsində Phoenicopteridae flamingo ailəsindən bu cür ilk, dünyada isə ikinci kəşfdir.

Ən son Buz Dövrü olan Pleistosen geoloji dövrü 2,6 milyon il əvvəl başlamış və təxminən 11,700 il əvvəl sona çatmışdır.

INAH-ın bildirdiyinə görə, flaminqo yumurtası fosili Meksika ştatında yeni Felipe Anceles hava limanında tikinti zamanı gil və şist arasında 31 santimetr dərinlikdə tapılıb.

Fosil yumurta, meksikalı alimlərin fikrincə, ərazinin 8000-33000 il əvvəl dayaz gölün yeri olduğunu və flaminqoların bir vaxtlar Meksikanın mərkəzində çoxaldığını göstərir.

Parlaq çəhrayı lələkləri ilə tanınan bugünkü Amerika flaminqo növünə əsasən Cənubi Amerika, Karib dənizi, Yukatan yarımadası və ABŞ-ın cənub-şərq sahillərində rast gəlinir.

dogruxeber.tv
Jalə Asiman