Azərbaycan Respublikasının prezidenti İlham Əliyevin danılmaz siyasəti və Azərbaycan ordusunun qələbə qazanmasına, Qarabağı geri almaqla öz ərazi bütövlüyünü yenidən bərpa etməsinə baxmayaraq, Ermənistanda bəzi qüvvələr hələ də özləri üçün uydurduqları qondarma "tarix"ə inanaraq, sərsəm fikirlər irəli sürməkdə davam edirlər. Bəlkə də onlar bununla erməni xalqını hazırkı hakimiyyətə qarşı çıxarmaq, Ermənistan hökumətinin imzalamağa hazırlaşdığı sülh sazişinə qarşı etiraz yaratmağa çalışırlar.

Belə ki, "dogruxeber.tv"ın erməni mətbuatı (news.am saytı)ndan əldə etdiyi məlumatda bildirilir:

"İctimai müzakirəmizin gündəminin təhlükəli şəkildə necə dəyişdiyini görmüsünüzmü? Bu haqda iranşünas Vardan Voskanyan yazıb.

O, xüsusilə qeyd edib: - “Deyək ki, biz az qala xalq olaraq vətənimizin filan ərazisinin azərbaycanlı olub-olmamasını müzakirə edirik, süni Azərbaycanda hökm sürən vəhşi rejim isə Ermənistanın təkcə tarixi yox, həm də müasir mövcudluğunu şübhə altına alır.

Mən dəfələrlə demişəm və indi də təkid edirəm ki, Bakıdakı barbar rejimin bu regionda mövcud olmağa heç bir tarixi və ya müasir qanuni hüququ yoxdur, çünki o, faktiki olaraq tarixən Azərbaycan adlanmayan əraziyə sahibdir. Müstəmləkəçilik və soyqırım alətləri ilə, “Azərbaycan məscidi” və ya “Azərbaycan orta əsr ədəbiyyatı”, hətta dilin rəsmi adı da sünidir və hərfi mənada “Azərbaycan dili” mənasını verir və s.

Odur ki, Artsaxın, Tiqranaşenin və ya hər hansı digər yerli erməni ərazisinin guya bizim olmadığına heç bir şübhə ola bilməz."

Bəlli ki, Vardan Voskanyan yenə mənbəyi olmayan uydurma erməni tarixini gündəmə gətirməklə, Azərbaycan hakimiyyətinin böyük siyasi gücünün və Azərbaycan ordusunun qələbəsini həzm edə bilməyən erməniləri təxribata səsləyir.

dogruxeber.tv