dogruxeber.tv: - Bakı şəhəri altı nömrəli məktəb-lisey barədə yayılan məlumatlarla bağlı araşdırma aparılıb.

Bu barədə Elm və Təhsil Nazirliyinin Mətbuat Xidmətindən bildirilib.

Belə ki, yanvarın 10-da məktəbə daxil olan müraciət əsasında valideynlərin də iştirakı ilə təhsil müəssisəsində kamera görüntüləri izlənilib. Məlumatda səsləndirilən fikirlər video görüntülərdə öz təsdiqini tapmayıb.

Bununla yanaşı, ümumi təhsil müəssisəsinin psixoloqları ümumilikdə siniflə, rayon polis idarəsinin əməkdaşları isə valideynlərin iştirakı ilə hər bir şagirdlə ayrılıqda söhbət aparıb.

"Bir daha qeyd edirik ki, Məktəbəqədər və Ümumi Təhsil üzrə Dövlət Agentliyi, məktəb rəhbərliyi və prosesə cəlb olunmuş aidiyyəti orqanlar tərəfindən mövcud qaydalar çərçivəsində lazımi tədbirlər görülüb”, - nazirlikdən bildirilib.

Qeyd edək ki, Bakı şəhər sakini Əliyeva Nuridə Adnan qızı (ad, soyad şərtidir) Bakı şəhəri altı nömrəli məktəb-liseyin 2-ci sinif şagirdi S. Əliyevin (ad, soyad şərtidir) həmin məktəbin 7-ci sinif şagirdləri tərəfindən dəfələrlə seksual hərəkətlərə təhrik edildiyini iddia etmişdi.//qaynarinfo.az