Fransa prezidenti Emmanuel Makronun Ukraynaya səfəri yaxın həftələrdə baş tutmalıdır. Fevraldan bəri üçüncü dəfədir ki, onun Kiyevə planlaşdırılan səfəri təxirə salınır.

Bu barədə "dogruxeber.tv" "Reuters”ə istinadən xəbər verir.

Nəşrin məlumatına görə, Makron əvvəlcə fevralda prezident Volodimir Zelenski ilə ikitərəfli təhlükəsizlik sazişi imzalamağı planlaşdırdığını bildirib. Həmin səfər təxirə salınıb, belə ki, müqavilə bağlamaq üçün Zelenski özü Parisə gedib.

Reuters-in sitat gətirdiyi diplomatlar ikinci tarixin martın əvvəlinə planlaşdırıldığını, lakin sonra bu həftənin sonuna qədər təxirə salındığını söyləyiblər.

Qeyd olunur ki, bu səfər Ukrayna prezidenti Volodimir Zelenski və Yunanıstanın baş naziri Kiryakos Mitsotakisin səfəri zamanı Odessanın atəşə tutulmasından bir neçə gün sonra təxirə salınıb.

Jurnalistlər qeyd edirlər ki, "Makron da Odessaya səfər etməli idi”.

İki diplomatik mənbənin Reuters-ə verdiyi məlumata görə, Fransa prezidenti Ukraynaya səfərini genişləndirib, müttəfiqlər arasında birlik və Ukrayna ilə həmrəylik nümayiş etdirmək üçün sadəcə ikitərəfli səfərdənsə, digər Qərb dövlət başçılarının da Makrona qoşulmasını nəzərdən keçirir.