Beynəlxalq alimlər qrupu cənub yarımkürəsində ən qədim dəniz dinozavrının fosilini müəyyən edib. Bunun Yeni Zelandiya adalarından birində tapılan notozavr fəqərəsi olduğu ortaya çıxıb. 

"dogruxeber.tv" xəbər verir ki, tədqiqat "Current Biology "(CurBio) elmi jurnalında dərc olunub.

Təhlillər göstərib ki, sümük 246 milyon il əvvəl Panthalassa adlı nəhəng superokeanda yaşamış heyvana məxsusdur. Notozavrlar plesiozavrların uzaq sələfləri idi. Uzunluğu yeddi metrə qədər çatan heyvanların uzun boyunları olub və dörd avar kimi üzgəclərin köməyi ilə üzüblər. Bu yırtıcılar balıq və kalamar ilə qidalanıb.

Paleontoloqların fikrincə, Yeni Zelandiya notozavrı cənub yarımkürəsindəki məlum dəniz sürünənlərindən 40 milyon ildən çox yaşlı olub.

"Qlobal paylanmanın zamanla kalibrlənmiş təkamül modelindən istifadə edərək, biz notozavrların ekvatorun yaxınlığında yarandığını və daha sonra həm şimala, həm də cənuba sürətlə yayıldığını, eyni zamanda mürəkkəb dəniz ekosistemlərinin fəlakətli kütləvi yox olmaqdan sonra bərpa olunduğunu göstəririk", deyə araşdırmanın aparıcı müəllifi, İsveçin Uppsala Universitetinin Təkamül Muzeyindən doktor Benjamin Kear bildirib.//Qaynarinfo