Türkiyə və Suriya prezidentləri Rəcəb Tayyib Ərdoğanla Bəşər Əsəd arasında son 13 ildə ilk görüş Rusiyada baş tuta bilər. 

"dogruxeber.tv" xəbər verir ki, bu barədə xarici KİV məlumat yayıb. 

"Türkiyə" qəzeti Ankaradakı mənbələrinə istinadən danışıqların sentyabrda baş tuta biləcəyini iddia edib.

Nəşrin məlumatına görə, görüş yeri kimi Rusiya, Fars körfəzi ölkələri və İraq hesab edilir. Qeyd edilir ki, Dəməşq administrasiyası diqqətini İraqa yönəldərək hazırlaşır. Ankara görüşə hazırlıq prosesinin sakit olmasını istəyir. Danışıqların hansı ölkədə aparılacağı Rusiya prezidenti Vladimir Putinin Türkiyəyə səfərindən sonra bəlli olacaq.