ABŞ və bir sıra Avropa ölkələrinin bəzi rəsmiləri 1991-ci ildə SSRİ-nin dağılmasından sonra ittifaqın tərk etdiyi nüvə silahlarının Ukraynaya qaytarılmasını təklif ediblər.

"dogruxeber.tv" xəbər verir ki, bu barədə The New York Times məlumat yayıb.

Məqalə müəllifləri qeyd ediblər ki, belə bir addımı həyata keçirmək çətindir və ciddi nəticələrə səbəb ola bilər.

Ukraynanın keçmiş müdafiə naziri Andrey Zaqorodnyuk bildirib ki, münaqişəni uğurla başa çatdırmaq üçün Kiyev və onun müttəfiqləri cəbhə xəttində vəziyyəti çevirməli və danışıqlara şərait yaratmalıdır.

Keçmiş nazirin sözlərinə görə, Ukrayna atəşkəsin pozulmasının qarşısını almaq üçün kifayət qədər ehtiyat silah gücünə malik olmalıdır. Məsələn, Rusiya hərbi əməliyyatları bərpa edərsə, dərhal zərbə endirmək üçün uzaqmənzilli silahlar arsenalına malik olmalıdır.