"Jalə Əhmədova əmək və əhalinin sosial müdafiəsi nazirinin yeni müşaviridir. Ötən çağırışın bitərəf deputatıdır. Bu dəfə deputat olması məsləhət olmadı. Heyf!.."

"dogruxeber.tv" "DİA-AZ"a istinadən xəbər verir ki, bunu özünün "Facebook" səhifəsində tanınmış hüuqşünas Əkrəm Həsənov qeyd edib.

O daha sonra əlavə edib: "Onu ən səmimi deputatlardan hesab edirdim. Müsahibələrinin birində demişdi ki, “deputat olsam da, bir az siyasi məsələlərdən uzaqda dayananlar sırasındayam. Dövlətin siyasəti ilə məşğul olacaq Prezident var”. Hüquq təhsilini qalmaqallı və artıq bağlanmış Azərbaycan Beynəlxalq Univeristetində alıb. Bununla bağlı ona sual verilmişdi: “Bilirsiniz, adətən testdən kənarda qalanlar bu universiteti seçirdi. Sizin seçiminiz niyə ABU oldu?” O da tam səmimi cavab verdi ki, “Mənim üçün ailə və övladlarımın tərbiyəsi əsas idi. Ona görə də, ABU-nu seçdim. Bilirsiniz, o vaxt ora qəbul olunmaq çox rahat idi.”

Jalə xanıma yeni iş yerində uğurlar və əvvəlki kimi səmimi olmağı diləyirəm. Məlum olduğu kimi, deputatlar artıq xalqın sosial problemlərini səsləndirə bilmir (spiker onlaraq yasaq etdi). Ümid edirəm ki, eks-deputat Jalə xanım bu problemləri olduğu kimi söyləcəyək. Nə isə edəcək demirəm, heç olmasa söyləyəcək..."