Şərq təqviminə görə 2025-ci ilin simvolu Yaşıl Taxta İlandır. Çində ilanlar kiçik əjdahalar adlanır və müdriklik, zəriflik və çevrilmə ilə əlaqələndirilir.

"dogruxeber.tv" ilin simvolu ilə bağlı bəzi məlumatları diqqətinizə çatdırır:

Çin mədəniyyətində İlan obrazına hörmətlə yanaşılır və təbiətin gücünün simvolu hesab edilir. Mifologiyaya dair ilk kitablardan biri olan Şan Hai Jing (Dağlar və Dənizlər Kitabı) qulaqlarına zinət əşyası kimi yaşıl və sarı ilan taxan bəzi tanrıları təsvir edir. İnsanları gildən yaradan Çin ilahəsi Nuva da ilan bədəni və insan başı ilə təsvir edilmişdir. Taxta İlan ilində doğulanlar ləyaqətli, ağıllı və incə zövqə malikdirlər. (1929; 1941;1953; 1965; 1977;1989;2001;2013...)

Çin ənənəsinə görə, İlan ili Öküz, Dovşan, Keçi, Meymun, At, Siçan və Əjdaha ilində doğulanlara uğurlar gətirəcək.

İlan ilində doğulanlar üçün il bəxtsiz olacaq: Bu onlar üçün "tale ili" adlanır. Hesab edilir ki, bu zaman insanlar bəzi sınaqlardan keçə bilər.

Yeni il günü insanlar qırmızı geyinməyə üstünlük verirlər: bu rəng gücü və firavanlığı təmsil edir. İlan ilində doğulanlar sarıya üstünlük verə bilərlər, çünki bu rəng onlara uğurlar gətirir. İlanlar üçün uğursuz geyimlər qızıl və qəhvəyi çalarlarda paltarlardır.