Azərbaycan Memarlıq və İnşaat Universiteti (AMİU) növbəti tenderinin nəticəsini açıqlayıb.

"dogruxeber.tv" Tribunainfo.az-a istinadən xəbər verir ki, dəftərxana və təsərrüfat mallarının alınması ilə bağlı müsabiqənin qalibi də müəyyən edilib.

Açıq mənbələrdə vurğulanır ki, “NUR-E.A.” MMC ilə həmin məhsulların alınması üçün 236 min 527 manatlıq satınalma müqaviləsi imzalanıb.

Qeyd edək ki, “NUR-E.A.” MMC bu ilin ilk dörd ayı ərazində 6 tenderin qalibi olub. Ərazi-Tikinti-Planlaşdırma Mərkəzi (19.768,07 AZN), FHN (92.279,63 AZN), Rəqəmsal Tibbi Həllər MMC (17.400,99 AZN) və “Azərkosmos”la (36.743,05 AZN) anlaşan şirkətin ən bahalı tenderi AMİU ilə olub.

Bundan başqa, şirkət ötən il də tenderlərdə fəal olub. Belə ki, 16 tenderin qalibi olan “NUR-E.A.” MMC ortalama 3 milyon manatlıq dəftərxana və təsərrüfat malları satıb. Onu da vurğulayaq ki, bu şirkətin ən bahalı tenderi ASAN Xidmətlə (819 min manat) olub, ən çox müqavilə isə Sərhəd Xidməti ilə bağlayıb.

Məlumat üçün bildirək ki, “NUR-E.A.” MMC 9 yanvar 2020-ci ildə dövlət qeydiyyatına alınıb. Nizamnamə kapitalı 5 min manat olan MMC Bakı şəhəri, Nizami rayonu, Mirzə Xəlil Şərifli küçəsi, ev 25, m. 221 ünvanında yerləşir. MMC-nin qanuni təmsilçisi Abbasov Etibar Bahadur oğludur.