İranda son bir neçə gündə olduqca ciddi hadisələr baş verir.

"dogruxeber.tv" xəbər verir ki, ötən gün Rəşt şəhərində taksi gözləyən mollaya hücum edilib.

Bir qrup naməlum şəxs Rəşt məscidinin axundunu döyərək, xəstəxanalıq ediblər.

Lakin dünən daha bir neçə hadisə də qeydə alınıb. İranın Bəndər Türkmən şəhərində silahlı şəxslərlə pöolis arasında toqquşma olub. Bir neçə nəfərin yaralandığı bildirilir.

Digər bir ağır hadisə xəbəri isə Şiraz şəhərindən gəlib. Tribunainfo.az xəbər verir ki, Şiraz Cinayət Məhkəməsinin hakimi naməlum şəxslərin hücumu nəticəsində öldürülüb. Ehsan Baqiri iki nəfər tərəfindən bıçaqlanaraq, qətlə yetirlib. Hökumət hadisəni “terror aktı” adlandırıb.

Yerli ekspertlər bildirirlər ki, baş verənlər üzdə olan və sosial şəbəkə vasitəsi ilə yayılan xəbərlərin bir qismidir. Onların sözlərinə görə, İranda sosial-iqtisadi vəziyyət ağırlaşdıqca, habelə məhkəmələrin haqsız hökmlər çıxarması səbəbindən insanlarda aqressiya artır. Ekspertlər bildirir ki, faktiki baş verənlər, “jurnal” kimi qəbul edilməlidir. “Film hələ qarşıdadır. İnsanların aqressiyası artdıqca, belə halların sayı kütləvi şəkil alacaq”.