“Zərər təkcə Bank olmayan kredit təşkilatlarında (BOKT) deyil, bir sıra banklarda da var. Əslində, bu kimi halların olması gözlənilən idi. Dünyada baş verən geosiyasi proseslər ölkəmizlə birbaşa əlaqəli olmasa da, Azərbaycan iqtisadiyyatından da yan keçmir. İqtisadiyyatın müəyyən sahələrində durğunluq yaranır və passiv gəliri olmayan vətəndaşlara kreditin götürülməsi məsləhət görülmür”.

"dogruxeber.tv" bildrir ki, bu sözləri Yenisabah.az-a açıqlamasında iqtisadçı-ekspert Günay Hüseynova bildirib. O, qeyd edib ki, BOKT və banklardakı hazırkı zərər geri qaytarılmayan kredit və ya ödənilən kreditlərin gecikdirilməsi ilə bağlıdır:

“Hazırkı BOKT və banklardakı zərər geri qaytarılmayan kredit və ya ödənilən kreditlərin gecikdirilməsi ilə bağlıdır. Çünki passiv gəlir əksər vətəndaşlarda yoxdur, kənd təsərrüfatı iqlim və geosiyasi səbəbdən ixracatın azalmasından dolayı zəifləyib.

Pul kütləsinin dövr etmə sürətində azalma var onun üçün də bu kimi hallar artıb. 1 iyun tarixindən etibarən də kredit faizləri yüksəldi və bu ötən illə muqayisədə 3,50% dən çox artım deməkdir. Bank olmayan kredit təşkilatlarının sıradan çıxmasına qaldıqda isə qısa perspektiv üçün görsənmir”.

Ekspert vurğulayıb ki, bankların faizləri yüksəltməsi BOKT-lara müraciətləri daha da artırır:

“Yuxarıda qeyd etdiyim kimi banklar kredit faizini yüksəldib. Vətəndaşların üz tutacağı BOKT və ya lombarddır. Müəyyən şəxslər var ki, bank ona kredit vermir. Rəsmi gəliri yoxdur və ya adı gecikməyə düşüb. Onun üçün də bu şəxslər BOKT-a müraciət edir. Borc ödənmədikdə də faiz yığılır məhkəməyə müraciət edilir. Bütün xərclər qarşı tərəfə ödənməklə, əmlakı satışa çıxarılır və ya ölkədən çıxışa qadağa qoyulur. Bu kimi hallar olsa da, hazırda BOKT-lara yüksək tələbat var. Sonda vətəndaşlara tövsiyə edirəm ki, sağlamlıq problemləri xaric kredit və borclardan maksimum dərəcədə kənar olsunlar. İqtisadi durğunluq ölkəmizlə əlaqəli deyil geosiyasi xarakter daşıyır, statistik rəqəmlərə əsasən xaricdən göndərilən pul köçürmələrində də azalma var”.

Qeyd edək ki, açıqlanan son hesabatlara əsasən, aşağıdakı BOKT-lar ötən ili zərərlə başa vurub:

– Finoko

– Para BOKT

– BOKT İDK

– Birkart BOKT

– Nova Credit

– AzFinans

– Azəri Star Mikromaliyyə

– AzİnvestKredit