Azərbaycan Dövlət İqtisad Universiteti (UNEC) əsaslı təmir işlərinin satın alınması ilə bağlı tenderə yekun vurub.

"dogruxeber.tv"ın Qaynarinfo-ya istinad məlumatına görə, tenderin qalibi "Koneks Construction” MMC seçilib. Təmir işlərinə görə şirkətə 9 735 844,68 manat ödəniləcək.

"Koneks Construction” MMC-nin 27 noyabr 2019-cu ildə qeydiyyata alınıb. Nizamnam kapitalı 10 manatdır. Hüquqi ünvanı Bakı şəhəri Binəqədi rayonu, Səttar Bəhlulzadə küçəsi, ev 39, mənzil 202-də yerləşir. MMC-nin qanuni təmsilçisi Fərzəliyev Mehdi Məhəmmədəli oğludur. Mehdi Fərzəliyev haqqında açıq mənbələrdə heç bir məlumata rast gəlinmir.

Şirkət son dövrlər əsasəntəmir-tikinti işləri ilə dövlət sifarişləri alır. Amma "Koneks Construction” MMC haqqında yayılan məlumatlardan aydın olur ki, şirkət geyim, dəftərxana ləvazimatları, odun kimi müxtəlif malların satışını həyata keçirir. Hətta bununla bağlı bir neçə tenderin qalibi də seçilib.