Bəzən elm cavab verməyə çalışır, amma kifayət etmir. Çünki bəzi hadisələr hələ də insan zehninin sərhədini aşır və sanki reallığın bizə məlum olmayan başqa qatlarını göstərir.

“dogruxeber.tv” yazır ki, tarix boyu bir çox sirli və izah olunmayan hadisələr təkcə fərdi təcrübələrdə yox, həm də kütləvi şəkildə qeydə alınıb. Bəziləri bu hadisələri elmi mexanizmlərlə izah etməyə çalışsa da, cavabsız suallar qalır.

Məsələn, Bermuda üçbucağı – Atlantik okeanının Sakit və qəribə görünən bir hissəsi. Amma bu sahədə yüzlərlə gəmi və təyyarənin yoxa çıxması ilə bağlı faktlar, rəsmi itki hesabatları mövcuddur. Maraqlıdır ki, heç bir SOS siqnalı göndərmədən yoxa çıxan bu vasitələrin taleyi hələ də müəmmalı qalır. Rəsmi versiyalar buradakı maqnit anomaliyaları, gözlənilməz hava dəyişiklikləri və okean cərəyanları ilə izah olunsa da, heç biri konkret sübutlarla təsdiqlənmir.

Daha sonra Taos səsləri – ABŞ-ın Nyu Meksiko ştatında yerləşən Taos adlı kiçik bir şəhərdə illərlə eşidilən qəribə, boğuq və davamlı uğultu səsi. Maraqlıdır ki, bu səsi yalnız bəziləri eşidir, digərləri isə ümumiyyətlə hiss etmir. Elmi cihazlarla səsin qaynağını müəyyən etmək mümkün olmayıb.

“dogruxeber.tv” bildirir ki, bu fenomenlə bağlı həm təbii səbəblər (yeraltı titrəyişlər), həm də psixoloji təsirlər (kollektiv illüziya) təklif olunub, amma tam sübut hələ də yoxdur.

Eynilə Dyatlov keçidi hadisəsi – 1959-cu ildə Rusiyanın Ural dağlarında 9 təcrübəli alpinistin müəmmalı şəkildə ölməsi, bəzi cəsədlərin şiddətli daxili xəsarətlərlə, amma xarici zədə izləri olmadan tapılması... Qeyri-adi radiasiya izləri, dəri rənginin dəyişməsi və izah olunmaz davranışlar bu hadisəni bir çox fərziyyələrə açıq buraxır.

Bənzər sirrlər arasında Frey effektləri (insan beyninə uzaqdan səs “eşitdirilmə”), Saksayhuaman daş divarları (min illər əvvəl dəqiqliklə kəsilmiş və birləşdirilmiş nəhəng daş bloklar), eləcə də Marfa işıqları (Texas çölündə hər gecə peyda olan və istiqaməti dəyişən işıq topaları) yer alır.

Bütün bu hadisələr bir şeyi sübut edir: Hələ də bildiklərimiz bilmədiklərimizdən çox azdır. Elm irəliləsə də, insan ağlının qavraya bilmədiyi təbəqələr və qatlar mövcuddur. Həmin o qatlarda isə, səssizcə izah olunmayan bir şeylər baş verir.