İnsanı yalnız ətdən və sümükdən ibarət bir varlıq kimi təsəvvür etmək artıq köhnəlmiş yanaşmadır. Son onilliklərdə həm qədim metafizik məktəblər, həm də müasir enerji fəlsəfələri insanın yalnız fiziki deyil, həm də enerjisel bir sahəyə malik olduğunu qəbul edir. Bu sahə “aura” adlanır və onun fərdin psixoloji, emosional və hətta mənəvi vəziyyətlərini əks etdirdiyi deyilir.

“dogruxeber.tv” yazır ki, auranı görmək, hiss etmək və balanslaşdırmaqla insanın daxili dünyasına daha dərin şəkildə nüfuz etmək mümkündür.

Bəzi inanclara görə, insanın ətrafında yeddi qatlı bir enerji sahəsi mövcuddur. Bu təbəqələr emosional, zehni, mənəvi və astral səviyyələrdən ibarətdir.

“dogruxeber.tv” bildirir ki, qədim Hind və Tibet məktəblərində, eləcə də sufizm kimi mistik axınlarda auranın rənginə və formalarına görə insanın daxilində nə baş verdiyini oxumaq mümkün sayılırdı. Qədim müdriklər hər bir fikrin və hissin auranı dəyişdirdiyini, xüsusilə qəzəb, qorxu və günahkarlıq kimi duyğuların enerji sahəsində qaralma və ya çirklənmə yaratdığını iddia edirdilər.

Müasir dövrdə isə bu mövzu təkcə mistik yox, psixoloji və bioenerji baxımından da dəyərləndirilir. Bioelektrik impulsların yaratdığı elektromaqnit sahə, insan bədənindən müəyyən məsafəyə qədər uzanır və müasir cihazlarla bu sahənin varlığını qeydə almağa cəhdlər olunub. Xüsusilə bəzi Kirlian fotoqrafiyası tədqiqatlarında insan barmağından çıxan enerjisel təsirlər vizuallaşdırılıb. Bunu elmi sübut kimi qəbul etməyənlər olsa da, auranın insan halı ilə əlaqəsi artıq geniş psixoloji və alternativ təbabət çevrələrində ciddi müzakirə olunur.

Auranı hiss etmək, təmizləmək və qorumaq üçün müxtəlif üsullar təklif olunur: nəfəs meditasiyası, çakra balanslaması, kristallarla enerji təmizləməsi, dualar və təbiətlə təmas. İnsan nə qədər daxili harmoniya içində yaşasa, aurası da bir o qədər parlaq, geniş və sakit olur. Bədən yox ola bilər, amma enerji həmişə iz buraxır.