“dogruxeber.tv” qədim misir, sumer və dogon mədəniyyətlərini araşdıran antropoloqlara istinadən xəbər verir ki, Sirius ulduzu min illər boyunca təkcə astronomik obyekt deyil, göylə yer arasında rabitə nöqtəsi hesab olunub. Xüsusilə Qədim Misirdə Siriusun görünməsi Nil çayının daşması ilə üst-üstə düşdüyündən, bu ulduz həyatın başlanğıcı kimi qəbul edilirdi.

Siriusun özəlliyi ondadır ki, bu ulduz əslində tək deyil – ətrafında Sirius B və Sirius C adlı daha az görünən iki digər göy cismi də var. Maraqlısı budur ki, Afrikadakı Dogon qəbiləsi bu üçlüyü min illər əvvəl tanıyırdı – halbuki Sirius B teleskopsuz görünə bilmir və rəsmi olaraq yalnız 1862-ci ildə kəşf edilib.

“dogruxeber.tv” xəbər verir ki, bu məlumatlar alimləri heyrətə gətirib. Dogon qəbiləsinin ulduz sisteminə dair bilgisi o qədər dəqiqdir ki, bəzi tədqiqatçılar onların ya yadplanetli varlıqlarla təmasda olduqlarını, ya da insanlıqdan əvvəlki sivilizasiyalardan məlumat mirası aldıqlarını düşünür.

Siriusun təsiri yalnız fiziki deyil — bir çox qədim mənbədə bu ulduzun ruhi yüksəliş, ilahi bilik, yuxular vasitəsilə gələn mesajlar və tanrılarla əlaqə kimi anlayışlarla bağlı olduğu yazılıb. Hətta bəzi sufizm məktəblərində Sirius göy aləminin “gizli qapısı” kimi təsvir olunur.

Bu o deməkdir ki, bizim göydə sadə işıq kimi gördüyümüz ulduzlar, bəlkə də enerji, bilgi və varlıq axışının dayandığı nöqtələrdir. Və Sirius — bu kosmik rabitə sisteminin ən qədim simvoludur.