İsrail müxalifətinin lideri Yair Lapid Baş nazir Binyamin Netanyahunu İranla atəşkəs sazişi imzaladığına görə tənqid edib.

DogruXeber.tv məlumat verir ki, Lapid özünün X sosial media səhifəsində yazıb: “Bütün tariximizdə heç vaxt bu miqyasda diplomatik uğursuzluq olmayıb. İsrail milli təhlükəsizliyimizin təməlləri ilə bağlı qərarlar qəbul edilərkən danışıqlar masasında belə iştirak etmirdi”.

İsrail müxalifət liderinin sözlərinə görə, “ordu onlardan tələb olunan hər şeyi etsə də və ictimaiyyət inanılmaz dərəcədə dözümlülük göstərsə də, Netanyahu diplomatik və strateji məğlubiyyətə uğradı və öz məqsədlərindən heç birinə nail ola bilmədi”.

O əlavə edib ki, “Netanyahunun təkəbbürü, ehtiyatsızlığı və strateji planlaşdırma çatışmazlığının vurduğu diplomatik və strateji ziyanı aradan qaldırmaq üçün illər lazım olacaq”.//Tribuna.az