dogruxeber.tv ın verdiyi məlumata görə, İstanbulun mərkəzi Mecidiyeköydən Ortaköydəki evinə getmək üçün saat 22.00 sıralarında avtobusa minən universitet tələbəsi gənc qız sürücünün zorakılığına məruz qalıb.

Fevral ayında baş verən hadisədə, iddiaya görə 19 yaşındakı gənc qız bütün sərnişinlər endikdən sonra avtobusda tək qalıb. Ortaköydə avtobusdan enmək istəyən L.M düyməyə basıb ancaq sürücü A.A dayanacaqda dayanmayıb. İddiaya görə, avtobusu dayanacaqdan kənarda dayandıran sürücü avtobusun işıqlarını da bağlayıb, gənc qızın yanına gedib. Onunla danışmaq istədiyini və heç kəsə xəbər etməməsini deyib. Sürücüyə reaksiya göstərən L.M isə mobil telefonu ilə ailəsinən zəng edərək kömək istəyib. Bundan sonra avtobus sürücüsü qapıları açıb. Maşından enən L.M polisə gedərək şikayətçi olub.

Polisdə ifadəsi alınan A.A isə ittihamları rədd edərək dedi: "Son səfərim idi. Bütün sərnişinlər enmişdi, işıqları söndürdüm. Evimə tez getmək üçün son dayanacağa getmədim.Yoluma davam edərkən orta qapının işığının yandığını gördüm. Bir xanım bir şeylər dedi. Xarici idi, anlamadım. Enmək istədiyini anladım. Uyğun bir yer taparaq durdum, qapını açdım. Xanıma qarşı pis niyyətim yox idi. İttihamı qəbul etmirəm".

Məhkəməni tamamlayan prokurorluq iddianamədə şübhəlinin öz istəyi xaricində avtobusdan endirməyərək qısa müddət də olsa saxladığı və danışmaq istədiyini bildirərək cinsi zorakılıq olduğunu irəli sürüb. Gənc qızın qərarlı davranışları səbəbindən hadisənin pis səviyyəyə gəlmədiyi ifadə edilən iddianamədə, A.A-nın "şəxsi azadlığından məhrum qılma və cinsi zorakılıq" cinayətlərindən 18 ilə qədər həbsi tələb olunub.


[media=]