Bakıda 3 uşaq ailəsi tərəfindən döyülüb.

Uşaqların valideynləri tərəfindən döyülməsi ilə bağlı sosial şəbəkədə video paylaşılıb. Uşaqlar atası tərəfindən döyüldüyünü, anası işdə olduğundan bütün günü evdə ac qaldıqlarını deyiblər. Zığ qəsəbəsində şəraitsiz mənzildə kirayədə yaşayan bu uşaqlar valideynləri ilə yaşamaq istəmədiklərini bildiriblər.



“Təmiz dünya” ictimai birliyinin sədri Mehriban Zeynalova uşaqların hazırda sığınacaqda olduğunu qeyd edib: “Uşaqlar çox baxımsız vəziyyətdə yaşayıblar. Bitin içində idilər. İlk növbədə, onların valideynləri ilə söhbət eləmək lazımdır. Bildiyimə görə, uşaqlar gələrkən anası onları yola salıb və onlara baxa bilmədiyini də etiraf edib. Hazırda uşaqlarla Ailə, Qadın və Uşaq Problemləri üzrə Dövlət Komitəsi də maraqlanır”.