ABŞ-ın “Delta Airlines” aviaşirkətinə məxsus sərnişin təyyarəsi Atlanta hava limanına təcili eniş edib.

dogruxeber.tv-in TASS agentliyinə verdiyi xəbərə görə, insidentə təyyarənin mühərrikində yaranan problem səbəb olub.

Atlanta-London marşrutu üzrə havaya qalxan təyyarə bir müddət sonra geri dönməyə məcbur olub. Uçuş zamanı təyyarənin mühərriklərindən biri tüstülənməyə başlayıb.

İlkin məlumata əsasən, hadisə nəticəsində zərərçəkən yoxdur. İnsidentin səbəbləri araşdırılır.