Oğuz rayonunda motosikletin aşması nəticəsində iki nəfər xəsarət alıb.


iyulun 1-dən 2-ə keçən gecə Oğuz rayonu Bayan kənd sakini, 1989-cu il təvəllüdlü Qorxmaz Cümşüd oğlu Salamov idarə etdiyi motosikletlə Qaraməryəm-İsmayıllı-Şəki magistiral yolunun Bayan kəndi ərazisindən keçən hissəsində hərəkətdə olarkən idarəetməni itirərək motoskleti aşırıb. Qəzadan sonra Qorxmaz Salamov və motosikletdə sərnişin qismində olan həmkədlisi, 1986-cı il təvəllüdlü Sərxan Nizami oğlu Səmədov aldıqları müxtəlif dərəcəli bədən xəsarətləri ilə Oğuz Mərkəzi Rayon Xəstəxanasına (MRX) aparılıblar.



Xəstəxanadan bildirlib ki, yaralılardan Q. Salamovun müalicəsi xəstəxananın cərrahiyyə şöbəsində aparılır. Vəziyyəti orta-ağır qiymətləndirilir. Digər yaralı S. Səmədov isə müayinə və müalicəsini davam etdirmək üçün Şəki MRX-a göndərilib. S. Səmədov qapalı kəllə-beyn travması dioqnozu ilə reanimasiya şöbəsinə yerləşdirlib, vəziyyəti ağır qiymətləndirlir.



Faktla bağlı DİN-nin Dövlət Yol Polisi İdarəsinin Baş İstintaq və Təhqiqat bölməsində araşdırma aparılır./apa