Milli məktəblərimizə pedaqoji kadrların hazırlanması ən mühüm işdir. Bu məqsədlə Tifllisdə ali təhsil müəssisələrinin yaradılmasına ciddi ehtiyac vardır. Ona görə ki, bu olduqca vacib məsələdir. Hətta deyərdim ki, bu məsələdə çox geçikmişik. Mümkün qədər bu yöndə işləri sürətləndirmək lazımdır. Bu baxımdan hesab edirəm ki, ali təhsil müəssisələri Gürcüstanın və Azərbaycanın birgə fəaliyyəti nəticəsində yaradılmalıdır.. Bu istiqamətdə işlər sistemli və kompleks şəkildə həyata keçirilməlidir.

O üzdən təklif edirəm ki, Gürcüstanda fəaliyyət göstərən QHT-lər, ziyalılar Gürcüstanın baş nazirinə, Azərbaycan prezidentinə, hər iki ölkənin təhsil nazirliklərinə pedaqoji kadırların hazırlanması məqsədilə ali təhsil müəssisələrinin açılmasına köməklik göstərmələri barədə müraciət etsinlər. Biz yaxın günlərdə Bakıda Gürcüstanlı soydaşlarımızın təhsil problemlərinə dair ictimai dinləmə keçirəcəyik. Tiflisdə pedaqoji kadrların hazırlanması üçün ali təhsil müəssisələrinin yaradılması ilə bağlı köməklik etmələri barədə: Azətrbaycan Respublikasının Prezidenti zatı- aliləri cənab İlham Əliyevə, təhsil naziri Ceyhun Bayramova müraciət edəcəyik. Hər şeydən əvvəl xahiş edirəm ki, belə bir tale yüklü məsələdə aktiv və problemlərin həlli istiqamətində əlindən gələni əsirgəməsin.

Kamran Ramazanlı, Qafqaz məsələləri üzrə araşdırmaçı