Çində məktəbə hücum zamanı 8 şagird qətlə yetirilib.
"dogruxeber.tv" Rusiya mətbuatına istinadən xəbər verir ki, hadisə sentyabrın 2-si, Çinin Xubey əyalətində, yerli vaxtla saat 8:00 radələrində (Bakı saat 04: 00) Bayyanpin şəhərində baş verib.

Cinayəkar kiçik sinif şagirdlərinə hücum edərək, onları bıçaqla yaralayıb. İnsident nəticəsində səkkiz azyaşlı həyatını itirib. Bu barədə məlumatı Cənubi Çin Morning Post nəşri yayıb. Dərhal hərəkətə keçən polis hadisəni törədən şəxsi həbs edib. Qatilin Yu adlı 40 yaşlı yerli sakin olduğu bildirilir.

Məlumata görə, cinayətkar əvvəllər də adam öldürməyə cəhd göstərtiyi üçün mühakimə olunub.

Polis hələ ki, bu məlumatı təsdiq etməyib.