Yevlaxda ölümlə nəticələnən yol qəzası baş verib.
"dogruxeber.tv" "Reporta" istinadən xəbər verir ki, hadisə rayonun Xanabad kəndində qeydə alınıb.

Belə ki, "VAZ-2106" markalı avtomobillə "Picap" markalı avtomobil toqquşub.



Qəza zamanı ağır bədən xəsartələri alan Şəki şəhər sakini, 1957-ci il təvəllüdlü Məmmədkərimov Mövsüm Əli oğlu hadisə yerində ölüb.

Şəki Şəhəri Böyük Dəhnə kənd sakinləri - Allahverdiyev Orxan Nofəl oğlu (1992), Məmmədkərimov Əli Mövsüm oğlu (1986), Pirməmmədov Tural Namiq oğlu (1988) və Məmmədkərimov Mahal Mövsüm oğlu (1991) xəsarət alıb.

Ölən və xəsarət alanların hamısı "VAZ-2106" markalı avtomobildə olub.

Qəzada iştirak edən "Mitsubishi" markalı "Picap" avtomobili "Azərbaycan Avtomobil Yolları" Dövlət Agentliyinə (AAYDA) məxsusdur.

Faktla bağlı araşdırma aparılır.