Çində yaranan yeni növ koronovirusdan ölənlərin sayı 17-ə çatıb.
DoğruXəbər.az xarici KİV-ə istinadən xəbər verir ki, Çin rəsmiləri TV-də keçirilən mətbuat konfransında bölgədəki koronovirusundan əziyyət çəkənlərin sayının 444 nəfər olduğunu açıqlayıb.
Sözügedən virusa yoluxmuş bir insanın ABŞ-da müalicə olunduğu və xəstəliyin də ölkəyə yayıldığı ortaya çıxıb. Digər tərəfdən Çin rəsmiləri xəstəliyin ilk ortaya çıxdığı Vuhan şəhərinə giriş və çıxışın dayandırılması barədə xəbərdarlıq ediblər. Onların açıqlamasına baxmayaraq, səhiyyə mütəxəssisləri Vuhandakı virusa tutulanların sayının 2000-ə yaxın ola biləcəyini qeyd ediblər.
Virus Pnevmoniya simptomlarına yoluxmuş insanlarda görülür. Həmçinin virusun Çinin şərq bölgələrinə, eləcə də Yaponiya, Tailand, Cənubi Koreya və ABŞ-a yayıldığı bilinir.
Əvvəlcə heyvanlardan insana ötürüldüyü düşünülən virusun insandan insana da keçə biləcəyi açıqlanıb.