Təhsil naziri Ceyhun Bayramov ötən ilin yekunlarına dair mətbuat konfansında məktəbli formaları barədə danışıb.
DoğruXəbər.az r-in məlumatına görə, o bildirib ki, burada əsas məqsəd məsələnin düzgün çərçivəsinin formalaşdırılmasıdır:
"Yəni nəticə etibarə ilə məktəblilərin keyfiyyətli, standartlara uyğun, rahat forma ilə təmin edilməsidir. Bu gün də mövcud qanunvericilikdə göstərilir ki, məktəb daxilində forma vahid olmalıdır. Amma məktəblərin hamısında formanın eyni olması vacib deyil. Reallıq isə ondan ibarətdir ki, məktəblərin ayrılıqda forma müəyyən etməsi bir qədər problem yaradır. Artıq dövlət nümunələr təsdiq edəcək və bu nümunələrdən istifadə olunacaq. Burada müxtəlif növ formalar olacaq və bütün tələblər orada əks olunacaq, standartlar gözləniləcək. Məktəb daxilində isə rəhbərlik valideynlər və pedoqoji kollektivlə öz formalarını müyyənləşdirilmiş nümunələr içərisindən seçə biləcəklər."

İlin soyuq aylarında qızların qısa ətəklərdə üşüməsi ilə bağlı valideynlərin şikayətinə qızlar üçün şalvardan istifadə məsələsinə də toxunan nazir bildirdi ki, ictimai müzakirələrin keçirilməsində də məqsəd buna görədir: "Təkliflər olarsa dəyişikliklər ola bilər."

Məktəbli formasının qiyməti barədə danışan təhsil naziri, bu məsələdə dövlətin hər hansı bir rolunun olmadığını, qiymət məsələsini istehsalçıların müəyyənləşdirdiyini bildirdi: "Biz ancaq onun formasını, gigyenik qaydalara uyğun hazırlanmasına nəzarət edə bilərik."/FaktXəbər