Səudiyyə Ərəbistanı Kanadadan alınan "Light Armoured Vehicles" (LAV) yüngül silahlı hərbi maşınlar üçün bu ölkəyə 665 milyon dollar ödədiyi açıqlanıb.

Silah istehsalçısı "General Dynamics" şirkətinin vitse-prezidenti və maliyyə direktoru Ceyson Ayken bu ödənişin ötən ay həyata keçirildiyini deyib.

Ayken yeni ödəmə planına uyğun olaraq, gecikdirilmiş 3,4 milyard dollarlıq ödənişin 2021-ci ilə qədər tamamlanacağını və hər bir ödənişdən sonra müqaviləyə əsasən hərbi nəqliyyat vasitələri və materialları çatdırmağa davam edəcəklərini bildirib.

Qeyd edək ki, sözügedən hərbi maşınlar barədə 15 milyard dollarlıq müqaviləni 2014-cü ildə Kanadanın baş naziri Stiven Cozef Harper təsdiq edib.

Xalqa açıq elan edilmiş 928 nəqliyyat vasitəsinin satış siyahısında bu nəqliyyat vasitələrinin yalnız 354-ü standart hərbi heyət daşıyıcısı, 119-nun ağır hücum tipli LAV-6 şəklində istehsal olunduğu və bu modellərin qüllələrinə güclü 105 millimetrlik silah yerləşdirildiyi açıqlanıb.

2015-ci ildə Kanadada hakimiyyətə gələn Castin Trudeau hökuməti sözügedən maşınların Səudiyyəyə satışını dayandırmışdı, lakin sonradan yenidən müqavilə təsdiqlənmişdi.