Nizami Kino Mərkəzində "Sevgi romanı" bədii filminin qala gecəsi baş tutub.
DogruXəbər.az xəbər verir ki, filmin prodüseri və baş qəhrəmanı Oksana Rəsulova ekran əsəri haqqında "Filmimiz həm çox danışılacaq, həm də baxılacaq. Amma ən asası izlənilməsini çox istəyirəm"- deyə, qeyd edib.

Şəhriyar Əbilov isə baş rolunu oynadığı film haqqında bu sözləri deyib: "Bu gün filmimizə ilk reaksiyanı görəcəyik. Əsas odur ki, cəmiyyətə faydalı mesaj verək. İnsanları göbəkdən aşağı yox, beyinlə düşündürək. Buradan Azərbaycan tamaşaçısına çağırış edirik ki, filmlərə gəlin. Kinomuzu inkişaf elətdirək ki, dünyaya çıxa bilək. Bunun üçün də sizin dəstəyiniz lazımdır".
Ekran əsərində Zümrüd Bədəlova, Azər Aydəmir və bir çox aktyorlar çəkiliblər.

Qeyd edək ki, təqdimat mərasimində müğənnilər Zamiq Hüseynov, Sevda Yahyayeva, Günay İbrahimli, Nigar Camal, aktrirsa Dilarə Əliyeva və bir çox məşhurlar iştirak ediblər./Publika.az