“Ev yeməklərindən balaca butik restoran açacağıq”.

dogruxeber.tv xəbər verir ki, bu sözləri “ATV maqazin onlarla” proqramına müsahibəsində müğənni Sevil Səfərova deyib.

Əkiz bacısı Sevinclə kamera qarşına keçən ifaçı artıq yeni restoranlarının sosial media reklamına başladığını da bildirib:

“Hamısını Sevinc bişirəcək. İnstaqram işinə, reklama mən baxıram. Səhifəm ortaya çıxanda görəcəksiniz ki, mən o səhifəni nə vaxt açmışam. Həm də yaxşı fotoqraf və mühasibəm”.

Sevinc Səfərova isə restoranda ev yeməklərinin olacağını söyləyib:

“Bəzi məşhur firmalar kimi reseptlərimi deməyəcəm. Sevil sağ əlimdir. Soğan soymaq işinə o, baxır. Təqribi bilirəm ki, toydan nə qədər qazanmışıq. Bir də görürəm pul qurtaranda Sevil deyir ki, narahat olma, məndə pul qalıb. Deyirəm ki, sən bunu məndən necə gizlətmisən?”.

Qeyd edək ki, bacılar bundan öncə gözəllik salonu və ayaqqabı butiki açsa da, sonradan hər iki məkanı bağlamışdılar.
(Axsam.az)