"WhatsApp" messencerində yaxın zamanlarda animasiyalı stikerlər peyda olacaq. Bu barədə "WABetaInfo" portalı məlumat verib. Ekspertlər, yeniliyin üç hissədən ibarət olduğunu bildirir.

dogruxeber.tv Open.az-a istinadən xəbər verir ki, birinci mərhələdə istifadəçilər animasiyalı stikerləri görə, daha sonra isə cihazın yaddaşında saxlaya və başqalarına göndərə biləcəklər.

Hal-hazırda təchizatçılar bir qrup istifadəçilər üçün yeniliyin birinci mərhələsini təqdim ediblər. Yenilik, Android 2.20.194.7 və iOS 2.20.70.26 platformalarının beta-versiyaları üçün təqdim edilib. Növbəti mərhələdə isə artıq stikerləri yükləmək mümkün olacaq. Portal məhz bu mərhələdən sonra animasiyalı stikerlərin "WhatsApp Store" - da peyda olacağını qeyd edir.