İranın Gülüstan əyalətinin Ramyan bölgəsində baş verən zəlzələdə xəsarət sayı 22 nəfərə çatıb.
dogruxeber.tv bildirir ki, Gurçay və Veyru kəndlərində evlərə ciddi ziyan dəyib.
Zəlzələ nəticəsində dağ uçqunu olub, bir neçə kəndlə əlaqələr kəsilib.
Bu gün səhər İranın Gülüstan əyalətinin Ramyan bölgəsində 5,1 bal gücündə zəlzələ baş verib.
APA-nın Tehran bürosunun məlumatına görə, bunu İranın Tehran Universiteti Geofizika İnstitutunun Seysmologiya Mərkəzi bildirib.
Zəlzələ 9 km dərinlikdə qeyd alınıb. İlkin məlumata görə, Gurçay və Veyru kəndlərində zəlzələ nəticəsində 10 nəfər xəsarət alıb.
Çox sayda evə ziyan dəyib. Hadisə yerinə Qırmızı Aypara Cəmiyyətinin xilasediciləri cəlb olunub.
(Lent.az)