Sosial şəbəkələrdə Vətən müharibəsi qazisi olduğu deyilən şəxsin əlillik dərəcəsinin düzgün təyin edilməməsi ilə bağlı görüntülər yayılıb.
Yeniavaz.com xəbər verir ki, videogörüntüdə sözügedən şəxs əlillik dərəcəsinin düzgün təyin edilməməsinə etiraz edib və düzgün təyin edilmədiyi halda özünə kəsici alətlə xəsarət yetirəcəyini qeyd edib.
Məsələ ilə bağlı Dövlət Tibbi Sosial Ekspertiza və Reabilitasiya Agentliyinə İctimaiyyətlə əlaqələr şöbəsinin müdiri Tural Qurbanovla əlaqə saxladıq.
O, Yeniavaz.com-a açıqlamasında bildirdi ki, məsələ araşdırıldıqdan sonra lazımi addımlar atılacaq:
“Videodakı məkan bizim qurumun tabeliyində olan bir yer deyil. Hazırda bu məsələnin harada olduğu və qazinin kimliyi araşdırılır. Qazi Müdafiə Nazirliyinin Hərbi Həkim Kommissiyası tərəfindən şəhadətnamə almalıdır ki, qanunvericiliyə uyğun olaraq onun əsasında əlillik dərəcəsi təyin edilsin. Əgər sənəd olmazsa, onunla bağlı məlumat əldə edə bilmərik. Məsələ araşdırılıdıqdan sonra lazımi addımlar atılıb, məlumat veriləcək”.