Bakının Səbail rayonunda yerləşən Jurnalistlər binasında internet problemi yaşanır.

dogruxeber.tv Yenicag.az a istinadən xəbər verir ki, binaların internet təminatını ödəyən “AzEurotel” şirkəti mövcud problemi həll etməkdən boyun qaçırır.

Bina sakinləri bildiriblər ki, şirkət müraciətlərinə baxmadığına görə Rabitə və Yüksək Texnologiyalar Nazirliyinə müraciət ediblər, lakin nazirlik də məsələnin həlli istiqamətində heç bir addım atmayıb.

Görünən odur ki, nazirlik və şirkət jurnalistlər binasının internetsiz qalmasında maraqlıdır.

Həmin ərazidə yaşayan əməkdaşlar qeyd edirlər ki, binalarda internet bağlantısının olmaması onlar peşəkar fəaliyyətinə mənfi təsir göstərir, öz peşə borclarını yerinə yetirmək üçün ictimai nəqliyyatın işləmədiyi günlərdə şəhərin başqa səmtlərinə üz tutmalı olurlar.

Durumdan narazı qalan jurnalistlər toplaşaraq “AzEurotel” şirkəti qarşısında aksiya keçirmək fikrindədirlər. Bu gün şirkətdə heç kəs olmadığına görə aksiyanın gələn həftənin 1-ci günü keçirilməsi nəzərdə tutulur.