"dogruxeber.tv" xəbər verir ki, "Dövlət Satınalma Portalı"nda "qara nida"lı qaranlıq tender müqavilələri barəsində məlumatlar yayımlanmaqda davam edir. Belə ki, 30.03.2022-ci il tarixində Azərbaycan Milli Elmlər Akademiyasının İqtisadiyyat institutunun "qonşusu sayılan "Sinam" MMC (VÖEN - 1300149611) ilə bağladığı "Mallar (işlər və xidmətlər) üzrə satınalma müqaviləsi" (məbləğ - 16992 AZN), eyni zamanda, Azərbaycan Milli Elmlər Akademiyası Azərbaycan Milli Ensiklopediya Elmi Mərkəzinin də "Sinam" MMC ilə bağladığı "Maliyyə və mühasibatlıq əməliyyatlarının avtomatlaşdırılması üzrə proqram təminatının (SERP) modullarına texniki dəstək xidmətinin satın alınması" müqaviləsi (məbləğ - 16992 AZN), həmçinin "Ərazi Tikinti Planlaşdırma Mərkəzi"nin "Azərdövlətlayihə" Dövlət Baş Layihə İnstitutu ilə bağladığı "Ermənistan Respublikası silahlı qüvvələrinin Azərbaycan respublikası ərazisinə təcavüzü nəticəsində dağıdılmış, qəzalı vəziyyətə düşmüş, təmir və bərpaya ehtiyacı olan fərdi yaşayış evləri və qeyri-yaşayış obyektləri üzrə tikinti layihələrinin hazırlanması və tikinti müddətində müəllif nəzarətinin aparılması işlərinin satınalınması" müqaviləsi (məbləğ - 1221586.54 AZN) barəsində ətraflı məlumat bölməsi boş saxlanılıb. Yəni yüksək məbləğlərin qeyd olunduğu müqavilələr barəsində Dövlət Satınalma Portalında ətraflı məlumatın göstərilməməsi müəyyən şübhələrə yol açır.

Ölkə başçısı İlham Əliyev "tender müqaviləsi" adı altında dövlət büdcəsini talayanlardan bəhs edərkən, məhz bu kimi qaranlıq müqavilələri nəzərdə tuturdu. Lakin, maraqlı məqam budur ki, hər gün bu cür məlumatsız, şübhəli müqavilələr azalmaq yerinə, hər gün daha da çoxalmaqda davam edir.

Yazıda adları çəkilən tərəflərin də mövqeyini dinləməyə və dərc etməyə hazırıq.

dogruxeber.tv