"dogruxeber.tv" xəbər verir ki, 29.03.2022-ci il tarixində Dövlət Satınalma Portalında Azərbaycan Texniki Universitetinin "Buket akkoyunlu ilə xidmət müqaviləsi" və Mustafa Güden ilə "Xidmət müqaviləsi" imzaladığı barəsində məlumat dərc edilib. Maraqlıdır ki, universitetin 2550 (iki min beş yüz əlli) və 15249 (on beş min iki yüz qırx doqquz) AZN məbləğ qarşılığında müqavilə bağladığı hər iki tərəfin vergi ödəyicisi (VÖEN) olmadığı göstərilir. Üstəlik də katirovka sorğusu barəsində heç bir məlumat yoxdur.


Qeyd edək ki, Azərbaycan Texniki Universiteti tez-tez müxtəlif müəssisələr ilə tender imzalayır və çox zaman həmin müqavilələrin katirovka sorğusu barəsində məlumat göstərilmir.

Bu gün də bağlanan hər iki müqavilə müəyyən şübhələr doğurur.

Yazıda adı çəkilən tərəflərin də mövqeyini dinləməyə və dərc etməyə hazırıq.

dogruxeber.tv