Argentina prezidenti Alberto Fernandes səhhətində yaranan problemlər səbəbindən İndoneziyada keçirilən G20 Liderlər Zirvəsinin ilk iclasına qatılmayıb.

"dogruxeber.tv" xəbər verir ki, həkimlərinin açıqlamasına görə, prezidentin təzyiqi düşüb.

Açıqlamada, "Argentina prezidenti Alberto Fernandes hipotansiyon və başgicəllənmədən əziyyət çəkirdi. Bu səbəbdən sağlamlığını qorumaq və fəsadların qarşısını almaq üçün onun testdən keçməsi qərara alınıb", - deyə bildirilib.

Fernandes səhhətində yaranan problemlərlə əlaqədar sammitin ilk iclası olan “Qida və Enerji Təhlükəsizliyi” adlı iclasda iştirak etməyib, Argentinanın xarici işlər naziri Santiaqo Kafiero isə iclasda iştirak edib.

Hazırda Fernandesin səhhətinin yaxşı olduğu bildirilir.