"dogruxeber.tv" "news.am"a istinadən xəbər verir ki, Kamçatka sahillərində 6,1 bal gücündə zəlzələ qeydə alınıb.

Rusiya Elmlər Akademiyasının geofizika xidmətinin Kamçatka bölməsinin məlumatına görə, təkanların episentri Severo-Kurilsk şəhərindən 128 km aralıda yerləşir.

Avropa-Aralıq dənizi Seysmoloji Mərkəzi də Kamçatkanın cənubunda zəlzələ qeydə alıb. Mərkəzin məlumatına görə, hadisə Severo-Kurilsk şəhərindən 100 km aralıda, 60 km dərinlikdə baş verib.

Zəlzələ yerli vaxtla saat 18:03 radələrində baş verib. Tələfat və dağıntılar barədə məlumat yoxdur.

Sonuncu dəfə yanvarın 8-də Rusiya Elmlər Akademiyasının Geofizika Xidmətinin Kamçatka bölməsi tərəfindən episentri Kamçatkanın cənubunda 5 bal gücündə zəlzələ qeydə alınıb. "Kommersant" yazır ki, daha sonra zəlzələnin episentri Severo-Kurilskdən 69 km aralıda olub.

dogruxeber.tv
Anarə Muhəmmməd