WhatsApp -dakı yeni Yoldaş rejimi sizə 4 fərqli cihazda bir hesabdan istifadə etməyə imkan verəcək. Uzun müddətdir ki, bu rejim yalnız məhdud sayda istifadəçilər üçün əlçatan idi, lakin indi o, Android cihazları üçün WhatsApp 2.23.8.2 beta versiyasında peyda olub .

"dogruxeber.tv"ın Wabetainfo-ya istinadən dediyi kimi, eyni əməliyyat sistemi ilə işləyən müxtəlif cihazlarda eyni WhatsApp hesabından istifadə etmək, əsas smartfonu ilə birlikdə birdən çox smartfon və ya planşetdən istifadə edən insanlar üçün çox faydalı ola bilər.

Yoldaş rejimi sayəsində bütün istifadəçi söhbətləri eyni hesaba qoşulmuş cihazlar arasında avtomatik sinxronlaşdırılacaq.


Hələlik bu yenilik yalnız “WhatsApp”ın beta versiyasında mövcuddur və onun nə vaxt ictimaiyyətə təqdim ediləcəyi məlum deyil. Tərtibatçıların tətbiqin iOS cihazları üçün versiyasında oxşar funksiyanı nə vaxt işə salmağı planlaşdırdıqları barədə hələlik məlumat yoxdur.

2.23.8.2 beta versiyasında istifadəçinin məxfilik səviyyəsini yüksəltmək məqsədi daşıyan daha bir yeni funksiya işə salınıb: O, fərdi söhbətləri bloklamağa, onlara yalnız barmaq izi və ya parolla çıxışı təmin etməyə və bununla da istifadəçinin yazışmalarını üçüncüdən qorumağa imkan verir.

Xatırladaq ki, tərtibatçılar son illərdə ilk dəfə olaraq WhatsApp-ın Android versiyasının dizaynını və interfeysini də dəyişdirərək onu iOS versiyasına daha çox bənzədirlər: naviqasiya paneli ekranın yuxarısından aşağıya doğru hərəkət edəcək.

dogruxeber.tv
Asiman Əsədsoy