ABŞ-ın keçmiş prezidenti Donald Tramp ifadə vermək üçün Nyu-Yorkun baş prokuroru Letitia Ceymsin ofisində təxminən səkkiz saat qalıb.

"dogruxeber.tv" NBCNews-a istinadən xəbər verir ki, Tramp ofisə səhər saat 9:30-da gəlib, avtomobili isə axşam saat 18:00-dan sonra çıxıb.

Daha sonra Tramp özünün Truth Social səhifəsində gecə saatlarında yazdığı paylaşımda ifadəni “ABŞ-ın 45-ci prezidentinə qarşı növbəti ədalətsiz və gülünc təqib” adlandırıb. O, ona qarşı aparılan müxtəlif araşdırmalar barədə də məlumat yayıb və bunları “seçkilərə müdaxilə” adlandırıb.

Nyu-Yorkun baş prokuroru Letitia James ABŞ-ın keçmiş prezidenti Donald Trampa, onun övladlarına və əlaqəli şirkətlərə qarşı saxtakarlıq və yalan məlumat verməkdə şübhəli bilinərək 250 milyon dollarlıq iddia qaldırıb.

O, həmçinin ABŞ Ədliyyə Nazirliyini və ABŞ prezidenti Co Baydenin ətrafını korrupsiyada və qarşıdan gələn seçkilərə müdaxilədə ittiham edib.

dogruxeber.tv
Rəna Gözəlova