"dogruxeber.tv" bildirir ki, Populyar WhatsApp messencerinin – Kanalların hazırda işlənmə mərhələsində olan iOS 23.8.0.75 beta yeniləməsində yeni funksiya peyda olub . TestFlight proqramında mövcud olan WhatsApp-ın ən son beta versiyasında iOS 23.9.0.76- da WABetaInfo portalının mütəxəssisləri istifadəçilərin abunə olduqları kanalların siyahısına baxmaq imkanı tapıblar.

Kanallar abunəçilərə məlumat çatdırmaq üçün yeni bir vasitədir. İstifadəçiləri maraqlandıran müəlliflərdən gələn xəbərlər status yeniləmələri sekmesinde mövcud olacaq.



Skrinşotda gördüyünüz kimi, kanalların siyahısı "Status" bölməsində görünəcək, daha sonra adı "Yeniləmələr" olacaq və həm istifadəçinin cari statusunu, həm də abunəliyini tapmaq mümkün olacaq. Kanallar üçün daha çox ekran sahəsi vermək üçün statuslar üfüqi sıraya yerləşdiriləcək.

Mütəxəssislərin fikrincə, WhatsApp-da kanallar Telegram kanalları prinsipinə uyğun qurulacaq: istifadəçilər maraqlandıqları kanallara abunə ola biləcəklər və onlar öz xəbər lentlərində maraqlandıqları məzmunu görəcəklər.

Hələlik bütün bu funksiyalar yalnız beta versiyalarında mövcuddur və onların nə vaxt hamı üçün əlçatan olacağı məlum deyil.

dogruxeber.tv
Jalə Asiman